هاشتاغ:
كشفت الممثلة الكوميدية نسرين المناجا، قبل قليل من يومه الجمعة، أنه تم وضعها بالعزل الصحي الخاص بالمصابين بفيروس كورونا عقب تدهور حالتها الصحية.
ووضعت نسرين تدوينة جد مؤثرة على حسابها بالفيسبوك، كشفت من خلالها عن تفاصيل جد مؤلمة خاصة بتدهور حالتها الصحية، معبرة عن تخوفها من إصابة أسرتها بعدوى فيروس كورونا.
وكتبت نسرين المانجا في تدوينتها، ”أنا معرفتش كيفاش غنقولها ليكم اليوم تم ترحيلي للحجر الصحي أيام وأنا أعاني في صمت وكنصبر راسي ونقول حالة عادية وغادوز ولكن اليوم تزيرت ديال بصاح وتاصلت بالرقم ديالهوم تم ترحيلي.. ماعرفت نتغلب عليه ولا هو الي غيتغلب عليا مقدرتش حتى نعنق خوتي ولا حتى نسلم عليهوم، تقدر تكون هادي آخر مرة نشوفهوم ونسمع صوتهوم ونقدر نكون عاديتهم حتى هوما ويموتو مورايا، آخر مرة تشوفو بوسط ديالي دعيو معايا بالشفاء والمغفرة”.
وأضافت نسرين: “دبا كيقراو ناس لي كيعرفوني غيتصدمو والناس لمكيعرفونيش غنبقا فيهوم.. تخايل راسك فهاد الموقف حتى الأم ديالك متقدرش تبوس راسها لآخر مرة صراحة جاتني البكية فاش تنكتب هادشي أو كنقراه، إحساس خايب حيت حتا انا كنت كنقول مغديش نمرض وكنضحك ».
وزادت، نسرين « ممكن يوقع فأي وقت لأي واحد فيكم علاش حيت مبغيتيش تشد لارض تتعرض راسك وأرواح بريئة دايرة بيك للخطر، فالله اخليكم كلسو كلسو فداركوم باش هاد شي كامل يفوت ونرجعو لحالة طبيعية .الله يلطف بينا الله يهديكم »
وفي الاخير ختمت تدوينتها، « كنبغيكم كاملين الله يحفظكم من كل شر ويحمي ربي بلادنا من الوباء، هزوا راسكم للمولى عز وجل وقولو جميعا امين امين امين”.
