“لزعر” يخرج عن صمته ويرد على “ولد الكرية” والأخير يوضح

هاشتاغ: هيثم الابراهيمي

خرج ” لزعر” زميل ولد الكرية في أغنية “عاش الشعب”، يحيى السملالي؛ الشهير بـ”لزعر” عن صمته، ليرد على ” ولد الكرية” بعد خروجه الإعلامي الاخير.

لزعر قال إنه لا يعرف الأسباب التي دفعت زميله إلى الإدلاء بهذه التصريحات”.

وأضاف لزعر، “أنا صاحب فكرة ومخرج أغنية عاش الشعب، وأنا من لي الحق في الحديث عنها والقول هل هي كاميرا خفية أم لا؟ وأنا أقول عاش الشعب ليست كاميرا خفية، وولد الكرية تحدث عن الجزء الخاص به فيها وهذا أمر يعنيه” ولا يعنيني ولا يعني السيمو الكناوي.

وتابع “عاش الشعب عكست واقع معاش عبرنا عنه وما قاله ولد الكرية لا يلزمنا أنا والكناوي، ولن نغير رأينا فيما قلناه لا اليوم ولا غدا ولا حتى بعد 20 سنة”.

المتحدث لم يخفي تفاجأه بخرجة زميله، وقال “تشوكيت مثل باقي المغاربة ولم ألتقي ولد الكرية بعد لمعرفة الأسباب التي دفعته لهذه الخرجة”.

وفي خروج إعلامي ثاني بعد الفيديو الذي احدث ضجة بوسائل التواصل الاجتماعي، كتب يوسف محيوت المعرف ب”ولد الكرية” عبر حائطه بانستغرام قائلا: “نهار غادي نطيح ما غادي عقل عليا حد، والمخير غادي يكتب في انستغرام free weldgria وغادي يرجع للور”

وأضاف، “اللي بغا يناضل ولا يعاير يشارجي 5 دراهم كونسكيون وحتى انا غادي ندير ليه لايك وبارطاجي براكة عليا”

وزاد قائلا: “أنا بغيت نربي ولادي ونقابل والدي، والتغيير اللي غادي نديرو غير فراسي وداري هما الأولين”

ويضيف ولد لكرية “الناس اللي خاصها تهضر على حقكم هما الناس المعنية بالأمر، البرلمانيين اللي صوتو عليهم راه خدمتهم هاديك، أما أنا غير فنان باغي نعيش ولادي”
“هضرت وقلت اللي يتقال واللي ما خاصو يتقال، ودابا الله يجعل البراكة، غادي ندير فن نقي وعادي”

وفي اخير قال “نهار مشيت للحبس حتى واحد ما عقل عليا، ونهار نعاود نمشي حتى واحد ما غادي يعقل عليا، أنا دابا نيت وما عاقل عليا حتى واحد، غادي نخدم على راسي وعلى ولادي”

وناشد متتابعه بالقول “صحاب لايك وأبوني عاجبك الحال مرحبا، ما عجبكش الحال ما عندي ما ندير ليك، حيد ابوني والله يسهل عليك”.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *